Հնարավորություններ, կառուցվածք

Այցելուների կենտրոնը տեղակայված է ՀՀ կենտրոնական բանկի պատմական մասնաշենքում: Ցուցադրանքը զբաղեցնում է 2 հարկ՝ 500 քառ.մ. ընդհանուր տարածքով:



  • Կենտրոնի հիմնական թիրախը դպրոցականներն են և ուսանողները, որոնց այցելությունները կազմակերպվում են օրական 2-3 անգամ, մինչև 35 հոգանոց խմբերով: Նախատեսված է, որ տարեկան Կենտրոն կայցելի 10 000 - 15 000 այցելու:

  • Ցուցադրանքում ներկայացված են 24 ստատիկ վահանակներ, 2 ինտերակտիվ գոտիներ՝ դրամանիշերի ստուգման լաբորատորիա, բանկոմատ, 2 մուլտիմեդիային խաղեր, ազգային դրամի պատմության մասին տեսաֆիլմ, Կենտրոնական բանկի պատմության և գործունեության մասին 2 տեսաֆիլմ, գների և ֆինանսական կայունությունը և ֆինանսական համակարգի գործունեությունը բացատրող մուլտֆիլմեր, ինչպես նաև թեմատիկ տեսահոլովակներ:

  • Էքսկուրսիաներն իրականացվում են հայերեն, ռուսերեն և անգլերեն, իսկ ցուցադրանքը երկլեզու է՝ հայերեն և անգլերեն:

  • Միևնույն ժամանակ, կենտրոնում անցկացվում են հանրակրթական դպրոցների ուսուցիչների վերապատրաստման դասընթացներ, թեմատիկ դասախոսություններ, այցելություններ հատուկ խմբերի համար:

  • Կենտրոնի տարածքը հարմարեցված է հենաշարժական խնդիրներ ունեցող այցելուների համար:

  • Այցելուների կենտրոնի աշխատանքային ժամերն են՝ 09:30 - 17:30:

  • Այցելուների կենտրոնի աշխատանքային օրերն են՝ Երկ.,Երք., Չրք., Հնգ., Ուրբ.:


Կենտրոնի ընդհանուր կառուցվածքը.



  1. Հայաստանի դրամաշրջանառության պատմություն

  2. Հայաստանի Հանրապետության արժույթ

  3. Դրամանիշների / թղթադրամների ստեղծման գործընթաց

  4. Դրամի պաշտպանական հատկանիշներ

  5. Դրամանենգությունը հանցանք է

  6. Վճարահաշվարկային համակարգեր և վճարային քարտեր

  7. Դրամավարկային քաղաքականություն

  8. Միջազգային պահուստների կառավարում

  9. Ֆինանսական համակարգ և վերահսկողություն. աջակից կառույցներ՝ Ֆինանսական համակարգի հաշտարար, ԱՔՌԱ վարկային բյուրո, Ֆինանսական Դիտարկումների Կենտրոն, Ավանդների հատուցումը երաշխավորող հիմնադրամ

  10. Բաց գրադարան

  11. Խաղասրահ

  12. Կինոսրահ

  13. Վաճառասրահ

Նյութը հրապարակվել է 02/20/2020