ԿԲ նորություններ

Ներսես Երիցյանը կշարունակի պաշտոնավարել որպես ԱՊՀ Տարածաշրջանային խորհրդակցական խմբի համանախագահ

ՀՀ կենտրոնական բանկի նախագահի տեղակալ Ներսես Երիցյանը ևս երկու տարի կպաշտոնավարի որպես Ֆինանսական կայունության խորհրդի ԱՊՀ տարածաշրջանային խորհրդակցական խմբի համանախագահ՝ ՌԴ ֆինանսների փոխնախարար Ալեքսեյ Մոյիսեևի հետ միասին:

ԱՊՀ տարածաշրջանային խորհրդակցական խմբի անդամներն են Հայաստանի, Բելառուս, Ղազախստանի, Ղրղզստանի, Ռուսաստանի, Տաջիկստանի ֆինանսական ոլորտի պաշտոնատար անձինք: Շվեյցարիան և Եվրասիական տնտեսական հանձնաժողովը հրավիրված են Խմբի նիստերին` որպես մշտական դիտորդներ:

Ֆինանսական կայունության խորհուրդը (ՖԿԽ) միջազգային մարմին է, որը մշտադիտարկում և առաջարկություններ է ներկայացնում համաշխարհային ֆինանսական համակարգի վերաբերյալ:

ՖԿԽ-ն նպաստում է միջազգային ֆինանսական կայունությանը` համակարգելով ազգային ֆինանսական մարմինների և միջազգային ստանդարտներ սահմանող մարմինների աշխատանքները, որոնք աշխատում են ուժեղ կարգավորիչ, վերահսկողական և ֆինանսական ոլորտի այլ քաղաքականությունների մշակման ուղղությամբ: ՖԿԽ-ն խթանում է հավասար մրցակցային պայմաններ` խրախուսելով այդ քաղաքականությունների համահունչ իրականացումը համապատասխան ոլորտներում և իրավասությունների ներքո:

 ՖԿԽ-ն, գործելով իր անդամ երկրների միջոցով, ձգտում է ամրապնդել ֆինանսական համակարգերը և բարձրացնել միջազգային ֆինանսական շուկաների կայունությունը: Այս օրակարգի իրականացման համար մշակված քաղաքականություններն իրականացվում են մասնակից երկրների իշխանությունների կողմից:

ՖԿԽ-ի նախագահն ԱՄՆ դաշնային պահուստային համակարգի փոխնախագահ Ռանդալ Քուարլսն է, իսկ տեղակալը՝ Նիդեռլանդների բանկի նախագահ Քլասս Նոթը:

Ֆինանսական կայունության խորհրդի մասին ավելին՝ https://www.fsb.org/about/

Նշենք, որ Ֆինանսական կայունության խորհրդի ԱՊՀ տարածաշրջանային խորհրդակցական խմբի 8-րդ նիստն անցկացվել է 2018 թ-ի դեկտեմբերի 11-ին:

Այլ նորություններ